Монгол Улсын нутаг дэвсгэрт оршин суух иргэдийн дотор үндэстний цөөнх болох тува /духа/ иргэд олноороо амьдардаг Баян-Өлгий аймгийн Цэнгэл суманд Хүний эрхийн Үндэсний Комиссын гишүүн П.Оюунчимэгээр ахлуулсан Ажлын хэсэг 2018 оны 11 дүгээр сарын 27-30-нд ажиллаж, нутгийн иргэдэд хүний эрхийн мэдлэг ойлголт олгох сургалт явуулж байна. Өнөөдөр тус сумын 50 гаруй төрийн албан хаагчид "Төрийн үйлчилгээ ба Хүний эрх" сэдэвт сургалт зохион байгууллаа. Сургалтыг "Чинагийн Галсан" сан, Баян-Өлгийн аймгийн Цэнгэл сумын Засаг даргын Тамгын газартай хамтран зохион байгуулж, оролцогчдыг ном, гарын авлагаар хангаж байна.]]>Хүний эрхийн зөрчлийг арилгахад иргэн Та ямар оролцоотой байх вэ? Энэ сэдвээр гэрэл зураг, шторкийн фэйсбүүк уралдааныг 2018 оны 12 дугаар сарын 05-ны өдрийг хүртэл олон нийтийн дунд зарлаж байна. Уралдаанд хүссэн хүн бүр оролцох боломжтой. Та гар утас, гэрэл зургийн камер, аппарат ашиглан хүний эрхийн тусгалыг дурандаа буулгаж, манай уралдаанд бүтээлээ ирүүлээрэй. 
]]>
Монгол Улсын Хүний эрхийн Үндэсний Комиссын гишүүн П.Оюунчимэгээр ахлуулсан баг ХЭҮК-ын дэргэдэх Орон тооны бус зөвлөлийн Үндэстний цөөнхийн эрхийн асуудал хариуцсан гишүүн, "Чинагийн Галсан" сангийн тэргүүн Г.Галтайхүү нар хамтран 2018 оны 11 дүгээр сарын 27-30-нд Баян-Өлгий аймгийн Цэнгэл суманд ажиллаж, хүний эрхийн сургалт зохион байгуулж байна. ]]>
Жил бүрийн 12 дугаар сарын 10-ны өдөр Хүний эрхийн Олон Улсын Өдрийг дэлхий нийтээрээ тэмдэглэн өнгөрүүлдэг билээ. Энэ жил Хүний эрхийн түгээмэл тунхаглал батлагдсаны 70 жилийн ой тохиож буйгаараа онцлог юм.
НҮБ-ын Хүний эрхийн Дээд Комиссар Мишэлл Бачэлэт 2018 оны Хүний эрхийн олон улсын өдөрт зориулан дараах мэндчилгээг илгээснийг монгол хэлнээ орчуулан хүргэж байна.
Мэндчилгээ
Монгол Улсын Хүний эрхийн Үндэсний Комиссын дарга Ж.Бямбадорж Бүгд Найрамдах Узбекстан Улсын Самарканд хотноо 2018 оны 11 дүгээр сарын 22-23-ны өдрүүдэд Азийн хүний эрхийн дээд хэмжээний форумд оролцож байна. "Хүний эрхийн Түгээмэл Тунхаглал батлагдсаны 70 жилийн үр дүн: цаг хугацаа ба бодит байдал” сэдвээр хоёр дахь өдрөө үргэлжилж буй тус арга хэмжээнд улс орнуудын хүний эрхийн үндэсний байгууллагуудын удирдлагууд оролцож байгаа бөгөөд хүний эрхийн асуудлыг шийдвэрлэх, зөрчлийг таслан зогсооход хүний эрхийн сүлжээ байгуулан хамтран ажиллах нь ихээхэн үр дүнтэй хэмээн үзэж санал нэгтэй байна]]>
Монгол Улсын Хүний эрхийн Үндэсний Комиссоос Нээлттэй нийгэм форум ТББ-тай хамтран 6 дахь жилдээ уламжлал болгон зохион байгуулж "Хүний эрхийн тухай ярилцъя" өглөөний уулзалт арга хэмжээг 2018 оны 11 дүгээр сарын 22-нд "Хохирол нөхөн төлүүлэх эрхийн хэрэгжилтийн зарим асуудал" сэдвээр зохион байгууллаа. Уулзалтын зочин илтгэгчээр Монгол Улсын Хүний эрхийн Үндэсний Комиссын Гомдол, хяналт шалгалтын хэлтсийн дарга Т.Ихтамир оролцож мэдээлэл хийлээ. ]]>
"Хүний эрхэд суурилсан бичил уурхай" уулзалт хэлэлцүүлэг 2018 оны 11 дүгээр сарын 22-ны өдөр Улаанбаатар хотноо болж байна. Уулзалтыг Монгол Улсын Хүний эрхийн Үндэсний Комисс зохион байгуулж байгаа бөгөөд Швейцарын Хөгжлийн агентлагийн Тогтвортой бичил уурхай төслийн дэмжлэгтэйгээр 2015-2018 онд Монгол Улсын Хүний эрхийн Үндэсний Комиссоос бичил уурхай дахь хүний эрхийн асуудлаар хэрэгжүүлсэн үйл ажиллагааны талаар хэлэлцүүлэг өрнүүлж, цаашдын чиг хандлагыг хэлэлцүүлж байна. ]]>
Өнөөдөр НҮБ-ын Хүүхдийн эрхийн конвенцийг батлагдсаны 29 жилийн ой тохиож байна. Монгол Улс тус конвенцид нэгдэж ороод 28 жил болжээ. Тус өдрөөр буюу 2018 оны 11 дүгээр сарын 20-нд Монгол Улсын Хүний эрхийн Үндэсний Комиссын шийдвэрээр Баянзүрх дүүргийн 33 дугаар сургуулийн багш Готовын Пүрэвбаярыг боловсролын салбарт сэтгэл зүтгэлтэй, үр бүтээлтэй ажиллахын сацуу Хүүхдийн эрх, хамгааллын үйл хэрэгт идэвх чармайлт гарган өсвөр, залуу үеийг хүний эрхийн мэдрэмжтэй, хариуцлагатай, хүмүүнлэг иргэн болгон төлөвшүүлэх, сурган хүмүүжүүлэх үйлсэд оруулж буй хувь нэмрийг үнэлж Монгол Улсын Хүний эрхийн Үндэсний Комиссын дээд шагнал болох "Хүний эрх” тэмдгээр шагналаа.]]>
Монгол Улсын Хүний эрхийн Үндэсний Комисс хүний эрх, эрх чөлөөг хамгаалах,хөхиүлэн дэмжих, хүндэтгэх, хүний эрхийн зөрчлөөс урьдчилан сэргийлэхэд олон нийтийг уриалах утга агуулга бүхий "Хүний эрхийн зөрчлийг арилгахад миний оролцоо” сэдэвт гэрэл зураг, шторкийн уралдааныг мэргэжлийн болон мэргэжлийн бус уран бүтээлчид, иргэд, олон нийтийн дунд зарлаж байна.]]>